Logo

नायिका ऋचा शर्माले भनिन्, ‘लड्न खोज्दा सम्हालिदिनुहोला, भूल गरे क्षमा गरिदिनुहोला’



कखरा संवाददाता


३ असार, काठमाडौं । नायिका ऋचा शर्माको आज अर्थात् साउन २ गते जन्मदिन हो । यस अवसरमा उनलाई फिल्मी क्षेत्रका थुप्रै व्यक्तित्व, शुभेच्छुक तथा प्रशंसकले शुभकामना दिएका छन् । ऋचाले पनि आफ्नो सामाजिक संजाल फेसबुकमार्फत् शुभकामना दिनेहरु सबैलाई धन्यवाद व्यक्त गरेकी छिन् ।

उनले शुक्रबार बिहान फेसबुकमा स्टेटस लेखेर सबैमा माया र साथमा आफू कृतज्ञ र ऋणाी भएको बताएकी छिन् । ‘जन्म र मृत्यु एउटा असीम सत्य। यो बीचको भावानात्मक सम्बन्धले जीवन रहुनजेल जिउन प्रेरित गर्छ। यस यात्रा बीच तपाईंहरु सम्पूर्णले दिनुभएको शुभेच्छा, आशिर्वाद, हौसला, सिक, प्रेरणा, सुझाव, मार्गदर्शन, माया र साथ प्रति प्रत्येक वर्ष झैं कृतज्ञ र ऋणी छु,’ उनले लेखेकी छन् ।

उनले थपिन्, ‘अझै धेरै सिक्नु छ, सधै तपाईंहरुको विश्वास पाउनु छ। म लड्न खोज्दा यसरी नै सधै सम्हालिदिनुहोला, अल्मलिए बाटो देखाइदिनु होला, भूल गरे क्षमा गरिदिनुहोला, थोरै यसरी सँगै पीडा बाँडौ, थोरै खुलेर सँगै हाँसौ। जन्मदिन को शुभकामना दिनु हुने सबै मा धेरै धन्यवाद ।’

प्रतिक्रिया दिनुहोस्