Logo

विश्व स्वास्थ्य संगठन भन्छ, ‘यसरी लगाउनुस् मास्क’



कखरा संवाददाता


२४ जेठ, एजेन्सी । विश्व स्वास्थ्य संगठनले मास्क लगाउनेबारे आफ्नो निर्देशिकामा ठूलो परिवर्तन ल्याएको छ ।

पछिल्लो केही महिनादेखि विश्व स्वास्थ्य संगठनका विशेषज्ञबीच मास्क लगाउँदा मानिसहरुले आफू कोरोनाभाइरसबाट सुरक्षित भएको ठान्ने हुन् कि जसका कारण स्वास्थ्यकर्मीका लागि मास्कजस्ता आवश्यक उपकरणमा कमी आउने हो कि भन्ने चिन्ता छाएको थियो । विश्व स्वास्थ्य संगठनका विशेषज्ञबीच यो तर्क अहिले पनि यथावत छ ।

विश्व स्वास्थ्य संगठनले आफ्नो नयाँ निर्देशिकामा सार्वजनिक यातायात, बजार र शरणार्थी शिविरजस्ता स्थान, जहाँ पर्याप्त सामाजिक दुरी स्थापित गर्न सम्भव छैन, त्यहाँ घरमा बनाइएको मास्क लगाउन सल्लाह दिइएको छ । यसमार्फत्, कोरोनाभाइरसको प्रत्यक्ष संक्रमण रोक्नलाई सहयोग मिल्ने बताइएको छ ।

यसका साथै, ८ वर्ष माथिका एकैपटक दुईवटा रोग लागेका बिरामीलाई भने मेडिकल ग्रेडको मास्क लगाउन उक्त निर्देशिकामा भनिएको छ ।

प्रतिक्रिया दिनुहोस्