Logo

सलमानको बडिगार्डको तलब कति ?



कखरा संवाददाता


२१ जेठ, काठमाडौं । बलिउडका चर्चित नायक सलमान खानका बडीगार्ड शेरा पनि निकै चर्चित छन् । तर शेराबारे विस्तृत जानकारी निकै थोरैलाई मात्रै थाहा छ । आउनुहोस्, उनीबारे जानकारी लिऔंः

शेराको वास्तविक नामः
शेराको वास्तविक नाम गुरमितत सिंह जोली हो । शेराको जन्म मुम्बईको एक सिख परिवारमा भएको थियो र र उनलाई वाल्यकालदेखि नै बडीबिल्डिङको शौख थियो ।

बडीबिल्डिङ च्याम्पियन हुन् शेराः
शेराले सन् १९८७ मा मिस्टर मुम्बई जुनियर जितेका थिए । त्यसको अर्को वर्ष उनले मिस्टर महाराष्ट्र जुनियर प्रतियोगितामा भाग लिएका थिए ।

सन् १९९५ देखि सलामानसँगै छन् शेराः
शेराको भेट सलमान खानसँग सन् १९९५ मा भएको थियो, त्यतिबेलादेखि उनी सलमानको छायाजस्तै सधैं सँगै हुन्छन् ।

शेराको तलबः
भारतीय सञ्चार माध्यममा प्रकाशित समाचार अनुसार सलमान आफ्नो सुरक्षाका लागि शेरालाई वार्षिक २ करोड बढी रकम दिन्छन् । अर्थात्, शेराको मासिक तलब १६ लाख भारुभन्दा बढी छ ।

आफ्नै सेक्युरिटी एजेन्सी चलाउँछन् शेराः
शेराको आफ्नै एउटा सेक्युरिटी एजेन्सी छ जसले व्यापारी र सेलिब्रिटीलाई सुरक्षा प्रदान गर्ने गर्छ । शेराले उक्त सेक्युरिटी एजेन्सीको नाम आफ्नो छोरा टाइगरको नाममा राखेका छन् ।

जस्टिन बीबरलाई समेत सुरक्षा दिइसकेका छन्ः
चर्चित अन्तर्राष्ट्रिय गायक जस्टिन बीबर मुम्बई आउँदा उनको सुरक्षाको जिम्मेवारी सलमानको आग्रहमा शेराले नै निभाएका थिए ।

अन्तिम साससम्म भाइसँगः
शेरा अब सलमानको परिवारको सदस्यजस्तै भइसकेका छन् । उनले एक अन्तरवार्तामा आफ्नो जीवनको अन्त्यसम्मै आफू भाइसँग नै रहने बताएका थिए ।

प्रतिक्रिया दिनुहोस्