Logo

देशभरको मौसम बदली, दिनभर कस्तो रहला?



कखरा संवाददाता


१७ जेठ, काठमाडौं । काठमाडौँ उपत्यकासहित देशका अधिकांश स्थानमा बदली भएको छ । अहिले देशभर सामान्य बदली रही थोरै स्थानमा हल्का वर्षा भएको जल तथा मौसम पूर्वानुमान महाशाखाले जनाएको छ ।

हाल नेपालमा पश्चिमी वायुको आंशिक प्रभाव रहेको छ । यस्तै पूर्वी भू–भाग नजिकै निम्न चापीय रेखा रहेको र स्थानीय वायुको पनि प्रभाव भएकाले देशभरको मौसम बदली भएको हो ।

शनिबार दिउँसो देशभर सामान्य बदली रही केही स्थानमा मेघगर्जन र चट्याङ्ग तथा हावाहुरीसहित वर्षाको सम्भावना रहेको मौसमविदले बताएका छन् ।

राति पनि देशभर सामान्य बदली रही केही स्थानमा मेघगर्जन र चट्याङ्ग तथा हावाहुरीसहित वर्षाको सम्भावना रहेको महाशाखाले जनाएको छ । देशका केही स्थानमा मेघगर्जन र चट्याङ्ग तथा हावाहुरी सहित वर्षाको सम्भावना रहेकोले आवश्यक सतर्कता अपनाउन मौसमविदले आग्रह गरेका छन् ।

प्रतिक्रिया दिनुहोस्