Logo

एक महिनामै राष्ट्रिय झन्डा अङ्कित रेल आउँदै



कखरा संवाददाता


९ पुस, काठमाडौं । नेपालको राष्ट्रिय झन्डा अङकित रेल अबको एक महिनाभित्रै जनकपुर आइपुग्ने पक्का भएको छ । तर, रेल कहाँ राख्ने, कहिलेबाट सञ्चालनमा ल्याउने, कसले चलाउने र टिकट कसले दिनेजस्ता पूर्वतयारी गर्न बाँकी छ ।

रेल आउने मिति तय भए पनि रेल विभाग कर्मचारी व्यवस्थापनमै अल्झिएको छ । रेल सञ्चालनका लागि कार्यालय सहयोगी देखि व्यवस्थापक र साधारण प्राविधिकदेखि विशेषज्ञ इन्जिनियरसम्मको जनशक्ति आवश्यक छ ।

अहिलेसम्म कर्मचारी भर्ना तथा व्यवस्थापनका नाममा केही पनि काम अगाडि बढ्न सकेको छैन । जयनगर–जनकपुर खण्डमा चलाउन सरकारले सूर्य चन्द्र अङ्कित रेल खरिद गर्ने निर्णय गरेको थियो ।

पहिलो रेल सन् २०२० को जनवरीमा र अर्को रेल भने फेब्रुअरीभित्र आइपुग्ने जानकारी रेल विभागका प्रवक्ता अमन चित्रकारले दिए । गोरखापत्र दैनिकले समाचार छापेको छ ।

प्रतिक्रिया दिनुहोस्