Logo

विवाहपछि ऋचा कमेडी च्याम्पियनमा, हनिमुनको कुराले रातोपिरो



कखरा संवाददाता


५ पुस, काठमाडौं । विवाहपछि नायिका ऋचा शर्मा पहिलोपटक कमेडी च्याम्पियनको सेटमा पुगेकी छन् । शनिबार ललितपुरमा भएको सुटिङमा उनी पुगेपछि त्यहाँका प्रतिस्पर्धी र जजहरुले उनलाई जिस्काएका थिए । ऋचा शर्मा रातो सारी र सिउँदोमा सिन्दुरमा सजिएर सेटमा पुग्दा गडगडाहट ताली बजेको थियो ।

मंसिर २१ गते राजधानीकै दिपेक्षविक्रम राणासँग विवाह गरेकी उनीहरु सर्ट हनिमुनको लागि सोलुखुम्बुसमेत पुगेका थिए । सोलुखुम्बुबाट २ दिनअघि मात्र फर्किएकी उनी शनिबारको सुटिङमा पुगेकी थिइन् ।

शनिबार सुटिङ भएको कार्यक्रममा ऋचाको पुनरागमनसँगै अर्का दुई अतिथिहरु प्नि थिए । कार्यक्रममा पत्रकार ऋषि धमला र उनकी पत्नि एवं नायिका एलिजा गौतमलाई बोलाइएको थियो । कार्यक्रममा उनीहरुमाथि पनि प्रतिस्पर्धीहरुले गज्जबको व्यङ्ग्य गरेका थिए ।

कमेडी च्याम्पियन नेपालको पहिलो कमेडी रियालिटी शो हो । सोमबार र मंगलबार राति ९ बजे कान्तिपुर टेलिभिजनमा प्रसारण हुने शो रातको १० बजेभन्दा पछि भने कमेडी च्याम्पियनको युट्युब च्यानलमा हेर्न सकिन्छ ।

प्रतिक्रिया दिनुहोस्